Bydd Bondiau Twf Gwarantedig yn dechrau newid ar 20 Medi 2012.

Beth sy’n newydd?

Dyma grynodeb o'r hyn sy'n newid.

Newidiadau ariannol

• lwfans buddsoddi uwch. Rydyn ni wedi cynyddu’r lwfans buddsoddi i £1 miliwn y person ar gyfer pob cyflwyniad.

Gofalu am eich buddsoddiad

• datganiadau blynyddol i’ch helpu i gadw golwg. Yn fuan ar ôl diwedd pob blwyddyn dreth, byddwn yn anfon datganiad i chi ynghylch pob Bond sydd gennych, yn dangos ei werth a faint o logau rydych wedi'u hennill.
• Gwasanaeth newydd ar lein ac ar y ffôn. Mae hyn yn ffordd sicr a hwylus i chi gadw golwg ar yr arian sydd gennych chi mewn Cynilion a Buddsoddiadau Cenedlaethol ac yn cadw eich manylion yn gyfoes.

Rheolau i fuddsoddwyr

• gall buddsoddwyr ar y cyd gyfuno eu lwfansau buddsoddi. Os byddwch yn buddsoddi ar y cyd â pherson arall, gallwch gyfuno eich lwfansau a buddsoddi hyd at £2 filiwn mewn pob cyflwyniad (pan fydd ar werth).

Os oes gennych Fond Twf Gwarantedig ar hyn o bryd, peidiwch â phoeni. Dim ond os bydd eich Bond yn aeddfedu ar neu ar ôl 20 Medi 2012, ac os byddwch yn dewis ei adnewyddu am dymor pellach, y bydd hyn yn effeithio arnoch chi. Felly, does dim rhaid i chi wneud unrhyw beth ar hyn o bryd.

Byddwn yn ysgrifennu atoch tua 30 diwrnod cyn y bydd eich Bond yn aeddfedu i’ch atgoffa ei bod yn bryd i chi benderfynu beth i’w wneud â’ch arian. Byddwn yn cynnwys manylion llawn y newidiadau i’ch buddsoddiad, a hefyd wybodaeth yn egluro’r dewisiadau fydd gennych ar gyfer ei adnewyddu neu dynnu’r arian allan.