National Savings & Investments - Sut maent yn gweithio

National Savings and Investments

Ein cyfraddau llog

Cysylltwch â ni

Diweddariadau cais


Tystysgrifau Cynilo Mynegrifol Bras olwg Sut maent yn gweithio A ydynt yn addas i mi? cyfraddau llog Cyfrifiannell Telerau ac Amodau Buddsoddwch nawr	Ein hystod / Tystysgrifau Cynilo Mynegrifol / Sut maent yn gweithio Gyda Thystysgrifau Cynilo Mynegrifol, mae gwerth eich cynilion yn symud yn unol â chwyddiant ac yn ennill cyfraddau llog gwarantedig - ac mae'r holl adenillion yn rhydd o dreth. Gallwch eu dal yn ychwanegol at unrhyw fuddsoddiadau eraill rhydd o dreth sydd gennych eisoes. Beth yw ystyr “Yn warantedig i guro chwyddiant”? Mynegai Prisiau Adwerthu Tymhorau buddsoddi Cyhoeddiadau Pwy sy’n cael buddsoddi? Manteision rhydd o dreth Terfynau buddsoddi Sicrwydd 100% Mynediad Beth sy’n digwydd ar ddiwedd bob tymor Ynghylch telerau ac amodau Diogelu’ch gwybodaeth bersonol Y Cod Bancio Beth yw ystyr “Yn warantedig i guro chwyddiant”? Mae Tystysgrifau Cynilo Mynegrifol yn gwarantu y bydd gwerth eich buddsoddiad yn curo chwyddiant. Gwneir hyn trwy gysylltu eu gwerth â mynegai sy’n mesur chwyddiant, sef y Mynegai Prisiau Adwerthu (RPI). Mae hynny’n sicrhau eu bod yn symud yn unol â chwyddiant. I guro chwyddiant, rydym yn talu cyfradd llog warantedig ar ben y cynnydd mewn chwyddiant. Ac maent yn rhydd o dreth, felly cewch gadw eich adenillion i gyd, beth bynnag fo’r gyfradd dreth y byddwch yn ei thalu. Yn ôl i frig y dudalen Mynegai Prisiau Adwerthu Mae’r Mynegai Prisiau Adwerthu (RPI), a adweinir weithiau fel y Prif Gyfradd Chwyddiant, yn ffordd gyffredin o fesur chwyddiant a gyfrifir gan y Swyddfa Ystadegau Gwladol bob mis. Gallwch ei gweld ar wefan y Swyddfa Ystadegau Gwladol www.statistics.gov.uk neu drwy ein ffonio ar 0845 964 5000. Yn ôl i frig y dudalen Tymhorau buddsoddi Rydym yn cynnig Tystysgrifau Cynilo gyda dewis o ddau dymor, sef 3 blynedd a 5 mlynedd ar hyn o bryd. Gallwch ddewis pa dymor sydd fwyaf addas i chi. Neu gallwch fuddsoddi yn y ddau. Yn ôl i frig y dudalen Cyhoeddiadau Mae pob tymor yn cael ei werthu mewn Cyhoeddiadau. Byddwn yn cyflwyno Cyhoeddiad newydd bob tro mae'r cyfraddau llog sefydlog a gynigiwn yn newid. Nid yw hyn yn effeithio ar gyfraddau llog unrhyw Dystysgrifau Cynilo sydd gennych eisoes - maent yn warantedig. Ond mae'n golygu y gallwch fuddsoddi yn y Cyhoeddiad newydd ar y cyfraddau newydd, sy'n caniatáu i chi gynilo mwy o arian yn rhydd o dreth. Yn ôl i frig y dudalen Pwy sy’n cael buddsoddi? Gall unrhyw un sy'n saith oed neu’n hyn fuddsoddi mewn Tystysgrifau Cynilo, un ai'n unigol neu ar y cyd. Mae modd eu prynu ar ran plentyn o dan saith oed hefyd. Bydd y plentyn yn dod yn gyfrifol amdanynt ar ei ben-blwydd yn saith oed. Gallwch brynu Tystysgrifau Cynilo fel ymddiriedolwr hefyd. Yn ôl i frig y dudalen Manteision rhydd o dreth Gyda Thystysgrifau Cynilo Mynegrifol, mae pob ceiniog rydych yn ei hennill yn eiddo i chi. Os ydych yn drethdalwr cyfradd sylfaenol, er enghraifft byddai adenillion rhydd o dreth o 1.25% ynghyd â chwyddiant o 3%* yn golygu adenillion o 4.25% yn rhydd o dreth. Byddai hyn yr un fath ag adenillion trethadwy o 5.31% gros ar gyfer trethdalwr cyfradd sylfaenol a 7.08% gros ar gyfer trethdalwyr cyfradd uwch. *Mae’r enghraifft hon yn tybio y bydd RPI yn cynyddu o 3% (y gyfradd ym mis Medi 2004) ym mhob un o’r pum mlynedd nesaf. Gallwch weld y Mynegai Prisiau Adwerthu cyfredol ar wefan Swyddfa’r Ystadegau Gwladol www.statistics.gov.uk neu drwy ein ffonio ar 0845 964 5000. Yn ôl i frig y dudalen Terfynau buddsoddi Gallwch gynilo unrhyw swm rhwng £100 a £15,000 ym mhob Cyhoeddiad o Dystysgrifau Cynilo Mynegrifol. Po fwyaf rydych yn ei fuddsoddi, mwyaf i gyd fydd eich adenillion rhydd o dreth. Ac nid yw hyn yn cyfrif tuag at eich lwfans am ein Tystysgrifau Cynilion Llog Sefydlog neu’n mini ISA arian. Yn ôl i frig y dudalen Sicrwydd 100% Mae unrhyw arian rydych yn ei fuddsoddi mewn Tystysgrifau Cynilo Mynegrifol 100% yn ddiogel. Dim ond Cynilion a Buddsoddiadau Cenedlaethol sy'n gallu gwneud yr addewid hwn, am fod ein buddsoddiadau yn cael eu cefnogi gan Drysorlys EM. Yn ôl i frig y dudalen Mynediad Er mwyn manteisio i’r eithaf ar eich Tystysgrifau Cynilo, mae angen i chi fuddsoddi'ch arian am gyfnod llawn y tymor rydych yn ei ddewis. Gallwch eu cyfnewid am arian yn gynnar, ond byddwch yn ennill cyfradd is o adenillion. Os byddwch yn eu cyfnewid am arian ar ôl y flwyddyn gyntaf, ond cyn i'ch Tystysgrif aeddfedu, byddwch yn ennill llog am bob cyfnod cyflawn o fis. Os byddwch yn eu cyfnewid am arian yn ystod y flwyddyn gyntaf, ni fyddwch yn ennill unrhyw log na mynegrifo. Er mwyn cyfnewid Tystysgrif a ddelir ar y cyd am arian, mae angen i'r ddau fuddsoddwr arwyddo'r ffurflen. Yn ôl i frig y dudalen Beth sy’n digwydd ar ddiwedd bob tymor Byddwn yn ysgrifennu atoch ychydig cyn i'ch Tystysgrifau Cynilo aeddfedu i roi gwybod i chi pa gynigion sydd ar gael ar yr adeg honno. Bydd gennych nifer o ddewisiadau: Parhau â'ch buddsoddiad am dymor arall o'r un hyd Ailfuddsoddi mewn Tystysgrif Cynilo Mynegrifol am dymor gwahanol Ailfuddsoddi mewn Tystysgrif Cynilo Llog Sefydlog - am fwy o wybodaeth am y rhain, ewch i Tystysgrifau Cynilo Llog Sefydlog neu ffoniwch 0845 964 5000 Ailfuddsoddi yn un o'n cynhyrchion eraill Cyfnewid eich buddsoddiad am arian Os na fyddwn yn clywed oddi wrthych erbyn diwedd tymor buddsoddi'r Dystysgrif, bydd eich Tystysgrif yn ennill llog ar y gyfradd sy’n cael ei chynnig am dymor arall o’r un hyd. Yn ôl i frig y dudalen Ynghylch telerau ac amodau Darllenwch y telerau ac amodau cyn i chi fuddsoddi. Os byddwn ni'n gwneud unrhyw newidiadau i'r telerau ac amodau ar ôl i chi fuddsoddi, fe wnawn adael i chi wybod. Os bydd unrhyw newid yn achosi anfantais i chi, byddwn yn rhoi gwybod i chi'n bersonol o leiaf 30 diwrnod cyn y newid. Yn yr achos hwn, gallwch newid i gynnyrch arall neu gyfnewid eich Bond am arian heb rybudd na chosb, o fewn 60 diwrnod ar ôl i ni roi gwybod i chi. Os caiff unrhyw newidiadau eraill eu gwneud, byddwn yn rhoi gwybod i'n cwsmeriaid drwy roi hysbysiad ar ein gwefan ac mewn ystod o bapurau newydd cenedlaethol. Yn ôl i frig y dudalen Diogelu’ch gwybodaeth bersonol Pan fyddwch chi’n dod yn un o’n cwsmeriaid, byddwn yn cadw’r holl wybodaeth bersonol sydd gennym amdanoch yn breifat ac yn gyfrinachol. Cliciwch yma am fanylion am ein polisi Cyfrinachedd. Back to top Y Cod Bancio Mae Cynilion a Buddsoddiadau Cenedlaethol yn tanysgrifio i’r Cod Bancio ac mae gennym drefn gwyno ffurfiol gyda chynllun cyflafareddu annibynnol. Cliciwch yma am fanylion pellach y Cod neu’n trefn gwyno. Yn ôl i frig y dudalen Hafan Argraffu E-bostio i gyfaill		Chwilio Buddsoddwch nawr Cliciwch yma i fuddsoddi nawr Manteision Rhydd o dreth Yn curo chwyddiant Dewis o dymhorau Canllaw Buddsoddwyr Ein hystod Ein cyfraddau llog Angen help i benderfynu? Treth a chynilion Diogelwch Polisi cyfrinachedd Diogelwch ar-lein Cefnogir gan Drysorlys EM


Preifatrwydd a diogelwch				Amodau’r safle a datganiadau cyfreithiol				Map o’r wefan
Cefnogir Cynilion a Buddsoddiadau Cenedlaethol gan Drysorlys EM Drwy ddefnyddio’r wefan hon, y’i bwriedir ar gyfer preswylwyr y DU, Ynysoedd y Sianel neu Ynys Manaw, cymerir eich bod wedi cadarnhau eich bod yn breswylydd yn y mannau hynny.