National Savings & Investments - Sut mae’n gweithio

National Savings and Investments

Ein cyfraddau llog

Cysylltwch â ni

Diweddariadau cais


Cyfrif Cynilo Mynediad Rhwydd Bras olwg Sut mae’n gweithio A yw’n addas i mi? cyfraddau llog Cynilo’n rheolaidd Telerau ac Amodau Buddsoddwch nawr	Ein hystod / Cyfrif Cynilo Mynediad Rhwydd / Sut mae’n gweithio Gallwch agor Cyfrif Cynilo Mynediad Rhwydd gyda £100 neu fwy. Ar ôl hynny, gallwch dalu i mewn a thynnu allan arian pan fyddwch ei angen, cyhyd â’ch bod yn cadw o leiaf £100 yn eich cyfrif. Po fwyaf o arian rydych yn ei gynilo, yr uchaf y gyfradd llog. Talu arian i mewn Taliadau cerdyn debyd a siec Tynnu arian allan Cynilo'n rheolaidd Cyfraddau llog graddedig Llog a threth Pwy sy'n cael agor cyfrif? Cyfrifon ar y cyd Terfynau buddsoddi Cadw cofnod Ynghylch telerau ac amodau Diogelu'ch gwybodaeth bersonol Y Cod Bancio Talu arian i mewn Gallwch dalu arian i mewn i'ch cyfrif unrhyw bryd, dros y ffôn, mewn unrhyw gangen o Swyddfa'r Post®, neu drwy'r post. Y taliad lleiaf posibl yw £10. Ac os hoffech ffordd gyfleus o gnilo'n rheolaidd, gallwch ofyn i'ch banc neu’ch cymdeithas adeiladu sefydlu archeb sefydlog i chi. Yn ôl i frig y dudalen Taliadau cerdyn debyd a siec Rydych yn dechrau ennill llog ar daliadau cerdyn debyd a siec o'r diwrnod rydym yn eu cael. Fodd bynnag, nid ydych yn gallu tynnu'r arian a delir i mewn allan o'r cyfrif am 14 diwrnod, er y gellir ad-dalu taliadau cerdyn debyd i'ch cerdyn debyd o fewn y cyfnod hwnnw. Yn ôl i frig y dudalen Tynnu arian allan Gyda'ch cerdyn Cyfrif Cynilo Mynediad Rhwydd, gallwch dynnu hyd at gyfanswm o £300 o arian parod allan bob diwrnod, mewn peiriannau arian parod yn y DU sy'n dangos y logo LINK® ac wrth y cownter mewn canghennau o Swyddfa'r Post® - os oes o leiaf £100 yn eich cyfrif ar ôl i chi dynnu arian allan. Y lleiafswm y gellir ei dynnu allan ar y tro yw £10. Os hoffech dynnu mwy na £300 allan, gallwch wneud cais dros y ffôn (edrychwch ar dudalen gwasenaeth ffôn) neu drwy'r post ac fe wnawn dalu'r arian yn syth i mewn i'ch cyfrif banc neu gymdeithas adeiladu. Pan fyddwch yn gwneud cais am eich Cyfrif Cynilo Mynediad Rhwydd, bydd angen i chi roi manylion cyfrif yn eich enw chi a fydd yn gallu derbyn taliadau drwy'r Gwasanaeth Clirio Bancwyr Wedi’i Awtomeiddio (BACS). Yn ôl i frig y dudalen Cynilo’n rheolaidd Gallwch ddewis gwneud archeb sefydlog i wneud taliadau rheolaidd i’ch Cyfrif Cynilo Mynediad Rhwydd. Cliciwch yma am fanylion ynghylch cynilo'n rheolaidd. Yn ôl i frig y dudalen Cyfraddau llog graddedig Mae’r cyfraddau wedi’u graddio fel po fwyaf o arian rydych yn ei gynilo, uchaf i gyd y mae’r gyfradd llog. I weld y cyfraddau a graddau diweddaraf, edrychwch ar cyfraddau llog. Yn ôl i frig y dudalen Llog a Threth Bydd eich arian yn ennill llog bob dydd a byddwn yn ei ychwanegu at eich cyfrif ar 31 Mawrth bob blwyddyn. Mae'r cyfraddau llog yn raddedig ac yn amrywiol, sy'n golygu y gallant fynd i fyny neu i lawr. I weld y cyfraddau a graddau diweddaraf, edrychwch ar ein cyfraddau llog. Pryd bynnag rydym yn newid ein cyfraddau llog, byddwn yn rhoi hysbysiad mewn ystod o bapurau newydd cenedlaethol ac yn sicrhau bod y manylion ar gael mewn canghennau o Swyddfa'r Post® ac ar y wefan hon. Byddwn yn talu'r llog yn gros (h.y. heb dynnu treth), ond mae'r llog yn drethadwy felly bydd angen i chi ei ddatgan i Gyllid y Wlad. Cliciwch yma am ragor o wybodaeth am dreth a chynilion neu gallwch ymweld â gwefan Cyllid y Wlad. Yn ôl i frig y dudalen Pwy sy’n cael agor cyfrif? Gall unrhyw un sy'n o leiaf 11 oed agor Cyfrif Cynilo Mynediad Rhwydd, un ai'n unigol neu ar y cyd â pherson arall. I blant dan 11 oed, efallai yr hoffech ystyried ein Cyfrif Buddsoddi. Yn ôl i frig y dudalen Cyfrifon ar y cyd Bydd dau ddeiliad cyfrif ar y cyd yn cael cerdyn arian parod. Sylwch y gall y naill ddeiliad neu’r llall dynnu arian allan, neu gau'r cyfrif, heb angen caniatâd y deiliad arall. Byddwn yn anfon cyfriflenni a gohebiaeth at y deiliad a enwir gyntaf. Efallai y bydd angen i'r ddau ddeiliad roi gwybod i Cyllid y Wlad am eu cyfran o'r llog. (Gallwch ymweld â gwefan Cyllid y Wlad i gael rhagor o wybodaeth am drethi a chynilion). Yn ôl i frig y dudalen Terfynau buddsoddi Gallwch gynilo unrhyw swm o £100 i £2 miliwn (£4 miliwn yn achos cyfrif ar y cyd). Mae’r terfyn hwn yn berthnasol i gyfanswm yr arian sydd gennych ym mhob Cyfrif Cynilo Mynediad Rhwydd. Yn ôl i frig y dudalen Cadw cofnod Byddwn yn anfon cyfriflen atoch tua diwedd Chwefror, Mai, Awst a Thachwedd bob blwyddyn. Bydd eich llog gros yn cael ei gredydu ar ddiwedd mis Mawrth bob blwyddyn, a bydd i'w weld ar eich cyfriflen ym mis Mai. Gan fod y llog yn drethadwy, bydd angen i chi gadw cofnod ohono a'i ddatgan i Gyllid y Wlad. (Gallwch ymweld â gwefan Cyllid y Wlad i gael rhagor o wybodaeth am dreth a chynilion). Gallwch wirio eich balans unrhyw bryd mewn cangen o Swyddfa'r Post neu beiriant arian LINK drwy ddefnyddio’ch cerdyn a'ch PIN, neu drwy'n ffonio ni ar ôl cofrestru i ddefnyddio’n gwasenaeth ffôn. Yn ôl i frig y dudalen Ynghylch y telerau ac amodau Darllenwch y telerau ac amodau cyn i chi fuddsoddi. Os byddwn ni'n gwneud unrhyw newidiadau i'r telerau ac amodau ar ôl i chi fuddsoddi, fe wnawn adael i chi wybod. Os bydd unrhyw newid yn achosi anfantais i chi, byddwn yn rhoi gwybod i chi'n bersonol drwy ysgrifennu atoch, o leiaf 30 diwrnod cyn y newid. Yn yr achos hwn, gallwch newid i gynnyrch arall neu gau eich cyfrif heb rybudd na chosb, o fewn 60 diwrnod ar ôl i ni roi gwybod i chi. Os caiff unrhyw newidiadau eraill eu gwneud, byddwn yn rhoi gwybod i'n cwsmeriaid o fewn 30 diwrnod, naill ai drwy gynnwys rhybudd gyda chyfriflen y chwarter neu drwy roi hysbysiad ar ein gwefan ac mewn ystod o bapurau newydd cenedlaethol. Sylwch nad yw hyn yn gymwys i newidiadau cyfraddau llog a hysbysir mewn ystod o bapurau newydd cenedlaethol, ar ein gwefan ac mewn canghennau o Swyddfa’r Post®. Yn ôl i frig y dudalen Diogelu’ch gwybodaeth bersonol Pan fyddwch chi’n dod yn un o’n cwsmeriaid, byddwn yn cadw’r holl wybodaeth bersonol sydd gennym amdanoch yn breifat ac yn gyfrinachol. Cliciwch yma am fanylion am ein polisi cyfrinachedd. Yn ôl i frig y dudalen Y Cod Bancio Mae Cynilion a Buddsoddiadau Cenedlaethol yn tanysgrifio i’r Cod Bancio ac mae gennym drefn gwyno ffurfiol gyda chynllun cyflafareddu annibynnol. Cliciwch yma am fanylion pellach y Cod neu'n trefn gwyno. Yn ôl i frig y dudalen Hafan Argraffu E-bostio i gyfaill		Chwilio Buddsoddwch nawr Cliciwch yma i fuddsoddi nawr Manteision Gwasanaeth ffôn pwrpasol Cerdyn arian i dalu arian i mewn a thynnu arian allan yn hawdd Cyfraddau llog graddedig atyniadol Canllaw Buddsoddwyr Ein hystod Ein cyfraddau llog Angen help i benderfynu? Treth a chynilion Diogelwch Polisi cyfrinachedd Diogelwch ar-lein Cefnogir gan Drysorlys EM


Preifatrwydd a diogelwch				Amodau’r safle a datganiadau cyfreithiol				Map o’r wefan
Cefnogir Cynilion a Buddsoddiadau Cenedlaethol gan Drysorlys EM Drwy ddefnyddio’r wefan hon, y’i bwriedir ar gyfer preswylwyr y DU, Ynysoedd y Sianel neu Ynys Manaw, cymerir eich bod wedi cadarnhau eich bod yn breswylydd yn y mannau hynny.