Gwybodaeth ddefnyddiol /

Rhifau deiliad

Sut mae gwirio am wobrau Bondiau Premiwm?

I wirio a ydych wedi ennill gwobr rhaid i chi roi eich rhif deiliad ac nid rhif cyfres y Bond. Bydd eich rhif deiliad yn cynnwys 9, 10 neu 11 cymeriad.

Er mwyn ein cynorthwyo ni i reoli’r cynllun Bondiau Premiwm, rhoddwyd rhifau deiliad i bob deiliad Bondiau presennol ac i ddeiliaid newydd Bondiau o 1976 ymlaen - gwnaethom ysgrifennu at bawb yr adeg honno i roi gwybod iddynt beth oedd eu rhif.

Beth yw rhif deiliad?

Rhif deiliad, a adweinir ambell waith fel rhif cwsmer, yw’r rhif a roddir i gwsmeriaid pan fyddant yn cynilo neu’n buddsoddi gyda ni. Defnyddir pob rhif unigryw i gysylltu holl ddaliadau a rhifau Bondiau unigol cynnyrch penodol sydd gan y cwsmer hwnnw.

Rhaid i chi ddyfynnu’ch rhif deiliad pryd bynnag y byddwch yn cysylltu â ni yn ogystal â rhoi rhif eich cyfrif, rhif(au) eich Bond(iau) neu’ch Tystysgrif(au) - bydd gennych un o’r rhain ar gyfer pob cynnyrch sydd gennych gyda ni.

Dylech allu dod o hyd i’ch rhif deiliad neu’ch rhif cwsmer ar eich cerdyn deiliad neu dystysgrif fuddsoddi. Cadwch hwy mewn lle diogel.

Nid wyf yn gwybod beth yw fy rhif deiliad

Os na allwch ddod o hyd i’ch rhif deiliad neu’ch rhif cwsmer, yna ysgrifennwch atom a chynnwys eich enw, eich cyfeiriad, a manylion eich cyfrifon neu’ch buddsoddiadau, y dyddiadau y’u prynwyd a’r symiau ac unrhyw rifau cyfrif, Bond neu Dystysgrif. Os ydych wedi symud t? neu wedi newid eich statws priodasol ac wedi anghofio rhoi gwybod i ni, cynhwyswch eich cyfenw blaenorol a/neu’ch cyfeiriadau blaenorol.

Er mwyn sicrhau ein bod yn darparu’r lefelau uchaf o ddiogelwch, ni allwn ddatgelu na diweddaru gwybodaeth bersonol heb lofnod(ion) y deiliad/deiliaid Bond(iau). Os prynwyd y Bond(iau) i chi pan oeddech yn blentyn, efallai na fydd gennym gofnod o’ch llofnod ac yn yr achos hwn, dylai un o’ch rhieni (neu oedolyn arall os na all eich rhiant lofnodi) ardystio’ch llofnod er mwyn i ni gael trosglwyddo rheolaeth unrhyw Fondiau i chi.

I’n helpu ni i ymdrin â’ch cais yn gynt, cysylltwch â’r swyddfa briodol sy’n ymdrin â’r cynnyrch.